9. Three Kings Church Goa — Teen Rajao ki Aatmaon ka Rahasya

Goa ke Cansaulim mein ek pahadi pe ek purani Portugeezi church hai jise Three Kings Church kehte hain. Yeh church upar se toh sundar lagti hai — lekin iske andar ki kahani bahut hi darawni hai.

Iss church ka naam teen rajao ki ek khaas ghatna se pada hai. 18vi sadi mein yahan teen Portuguese raajpoot the — Holgu, Jacaum aur Francisco — jo ek doosre ke dushman the. Holgu ne dono ko apne ghar khane pe bulaaya aur zeher khilaake maar diya. Baad mein jab logon ko pata chala toh Holgu ne khud bhi zeher khaake jan de di.

Tab se in teeno ki aatmaen is church mein basti hain. Log batate hain ki raat ko yahan andheron mein teen saaye dikhte hain. Church ke andar anjaani cheekhein aati hain. Kuch log jab photography karne gaye toh unki cameras mein kuch aisi cheezein aayi jo wahan thi hi nahi.

Ek aur khaas baat — Goa ke log Epiphany festival pe yahan aate hain. Mela lagta hai. Lekin jaise hi shaam dhhalti hai aur mela khatam hota hai, log jaldi jaldi neeche utar jaate hain. Koi raat ko pahadi pe nahi rukta. Church ki care karne wale padre bhi chandragrahan wali raaton mein wahan rehne se darte hain.