6. Ramoji Film City ka Rahasya — Nizam ke Sipahiyon ki Aatmaen

 6. Ramoji Film City ka Rahasya — Nizam ke Sipahiyon ki Aatmaen

Hyderabad ka Ramoji Film City duniya ka sabse bada film studio complex hai. Yahan Bollywood se lekar Hollywood tak ki filmein banti hain. Lekin is chamak damak ke peeche ek khauff bhi chupa hai jo workers aur actors ne mahsoos kiya hai.

Kai actors aur spot boys ne bataya hai ki yahan dressing rooms mein unka saamaan apne aap hil jaata hai. Makeup mirrors mein kuch aisa dikhta hai jo wahan hona nahi chahiye. Aurat ki aawaz aati hai jo ek actor ko unka naam le ke bulaati hai — par wahan koi hota nahi.

Film City ka yeh land pehle Nizam ke zamane mein ek yudh ka maidan tha. Yahan kai sipahi mare the aur kuch jagahon pe qabristaan bhi hain. Kuch log kehte hain ki unhi sipahiyon ki aatmaen aaj bhi is zameen pe bhatakti hain.

Ek interesting ghatna mein ek heroine ki dupatta akela udke ek kamre mein chali gayi. Jab khidkiyaan aur darwaaze band the. Ek director ne bataya ki raat ki shift mein unhe lag raha tha koi unke peeche chal raha hai — muda toh koi nahi tha. Ramoji Film City ka management in baaton se inkaar karta hai lekin workers mein aaj bhi darr bana hua hai.